Amadís de Gaula é un famoso libro de cabalería en prosa, composto primeiro en España ou Portugal e case seguramente sobre a base de fontes francesas. É probable que existise unha versión primitiva da obra cara a finais do século XIII ou comezos do XIV. Hai unha versión en tres libros, da que se conservan breves fragmentos datados cara a 1420. Rodríguez de Montalvo, rexedor de Medina del Campo, reelaborou esa versión, engadiulle un cuarto libro e continuou cun quinto, titulado As sergas de Esplandián. O seu éxito prolongouse durante o Século de Ouro español tanto en Europa como en América, con 19 edicións publicadas no século XVI.
No hay comentarios:
Publicar un comentario