Esta xornada comeza a celebrarse oficialmente o dia 7 de outubro de 1926, en conmemoración do nacemento de Miguel de Cervantes Saavedra.
O 6 de febreiro de 1926, o goberno español, presidido por Miguel Primo de Rivera, aceptou a data e o rei Alfonso XIII asinou o decreto real que instituíu a Festa do Libro en España.
No 1930, a data conmemorativa foi trasladada para o 23 de abril, día do falecemento de Cervantes.
O 15 de novembro de 1995, a UNESCO decidiu proclamar este día, Día Internacional do Libro e dos Dereitos de Autor.
A Organización das Nacións Unidas para a Educación, a Ciencia e a Cultura quería destacar deste xeito a importancia do libro. Esta xornada ten como fin promover o libro e fornecer a través del o acceso á cultura do maior número de persoas posible. A UNESCO decidiu celebrar conxuntamente o Día do Libro e dos Dereitos de Autor atendendo á casualidade de que a morte de Cervantes (o 23 de abril de 1616 no calendario gregoriano) se correspondía coa data do aniversario do nacemento e morte de William Shakespeare (no calendario xuliano).
Resolución da UNESCO: http://portal.unesco.org/culture/es/ev.php-URL_ID=5425&URL_DO=DO_TOPIC&URL_SECTION=201.html
O día 23 de abril coincide así mesmo cos aniversarios do nacemento de Vladimir Nabokov, Maurice Druon, Manuel Mejía Vallejo e Halldór Laxness, e co aniversario do falecemento de Josep Pla.
Imaxe: http://prazadasletras.org/
No hay comentarios:
Publicar un comentario